關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2013年8月3日 星期六

做出鬆軟嫩滑的豬扒

做出鬆軟嫩滑的豬扒:

以前我即使買新鮮、冰鮮、雪藏的豬扒就算煎或炸都總是口感很鞋,醃得幾好味都有不足;但近來我終於能做出鬆軟嫩滑好好味的豬扒啦~~很想同大家分享!
選新鮮豬扒,自然比冷藏豬扒肉汁豐富,但以下方法連凍肉店的雪藏的有骨豬扒也有可以!

用刀背或肉鎚在豬扒每面揼二十至三十下:最好從邊位開始揼起,用意係打斷筋位成為一塊不會卷起的豬扒;,鎚不可高揼落去會導到肉爛,應從2cm左右高揼下去,輕力快揼;反轉再揼另一面二十至三十下即成。

煮後仍然嫌唔夠鬆軟,仲有以下方法以供參考:(但我未試過)
1. 豬扒醃好後拍生粉及搽上一層油,可令豬扒更嫩滑。 

2. 醃豬扒最重要是蛋白一隻。 秘密是蛋白可令豬扒變得更鬆更滑。

3. 醃肉時會放一個雪梨(菠蘿都得)磨爛放埋落去醃,生果汁可以令肉質鬆化。

另外掌握火侯也很重要,過熱會令肉質粗實、又老又韌,而未熱熟透的又會有細菌,所以用中火每面煎兩至三分鐘至豬扒剛熟即可。

沒有留言:

張貼留言