關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2017年3月22日 星期三

✨浪漫山頂公園✨(狗狗玩樂好去處)

之前介紹的地方對於港島區的朋友會比較偏遠,所以今次係山頂公園!



山頂公園有2個,1個係由山頂廣場沿鈄路向上行10-15分鐘就到,但果個小公園「柯士甸山遊樂場」係唔接受寵物進入(圖3,第一次去唔知,但管理員都好友善,幸好無被趕走);
再上網搵資料及地圖,第二次就識啦,由「柯士甸山」開始計,步行要差不多20-30分鐘行鈄路(OK鈄架)先見到一間英式建築物,落幾級樓梯就係一片大草地及幾個英式小圓涼亭;右側有個無櫈坐的小圓亭




沿著旁邊鈄路向上行多10-15分鐘就會見到「嘩」一聲咁靚的歐陸式園地(好難型容,睇相更吸引)






可以畀狗狗周圍跑也可掟波及野餐
(重點係活動空間太大,要留意唔好畀狗仔走失)

好啦!剛才講的係步行方式到達,而家同大家分享下無咁吃力的懶人做法:我地第一次上去容許寵物進入的山頂公園係平日,可以直接揸車到最頂停車埸;第二次去係星期日,相公話逢假日私家車封路(我唔confirm😅)所以我地選擇搭的士上去,點知司機中途話要有禁區紙先入得,我地就只好落車步行多20分鐘先到最終目的地😶(春秋冬天氣還可,夏天的話全身會好似落完雨咁😜
如果無揸車,回程時就要睇彩數,當日竟然見到有的士駛到最頂泊車位附近(點解之前位司機話唔得架😓anyway我地可以輕鬆地返出中環,完成旅程💖

🐶🐶狗狗溫馨提示:山頂有間雪糕店有狗狗食得的雪糕賣🍦,但我對上一次去已經係20162月,希望至今維持經營啦!


P.S.下篇會係西貢區(當然唔止一般遊西貢市咁簡單😎

沒有留言:

張貼留言