關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2017年3月22日 星期三

🎋河背水塘行山徑(非常易行)(與狗狗玩樂好去處)

春天與狗狗可以多點室外活動,牠們喜歡大自然又可緞練體魄,我們也可藉此減肥😎


我們可以駕車或的士去到大欖附近的河背村村公所落車,沿鈄路一直行,先經過燒烤埸再經有一間有機農莊繼續上鈄路(其實唔算好鈄所以唔會太辛苦,不過哩段路無乜特別景色),當行到平路時就會見到河背水塘,未入水塘條橋之前有個小涼亭可以稍作休息,
因為水塘景色雖美,



但我地行過條橋更有驚喜⋯⋯⋯一直行入去有少量石級(真係唔多)之後會經過一個🎋竹林(好有和風feel),不過有途人經過就話咁多竹驚有青竹蛇(幸好我地無遇到,但他們亦未見過、只係估);




之後落石級再一路向前行,大約已經圍繞水塘行左3/4路程,可以在湖邊石影相(倒影好靚),


跟著繼續一直行就會出返去見到最初的涼亭,可以坐底休息一陣,咁就行埋下斜路落返村公所就完成旅程啦!

溫馨提示:
行山仲要注意天氣,如果之前果日或者當日落過雨都要避免,因為天雨路滑會比較危險及草叢間有機會有牛蜱出沒;
我地行河背水塘果日係1月中,天氣只有15-18度,非常涼快;但宜家春天平均溫度有20或以上,建議狗狗要不時補充水分💦及散熱😚
另外,行山徑通常無乜垃圾筒,如果狗狗便便💩就只好準備多個膠袋封口,陪著我地行一段慢慢長路🤣

預告:下篇係港島區💖

沒有留言:

張貼留言