關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2017年4月21日 星期五

狗狗做主角,影樓分享part 1(狗狗玩樂好去處)


香港的春夏天越來越熱,而家先4月中,每日最高氣溫也有30度,去到7、8月正式夏天溫度更高,帶狗狗出外玩樂時已經唔可以長期逗留室外,郊遊活動只可減少,所以今後會同大家介紹幾間歡迎帶同狗狗的影樓或Party Room,影樓唔一定要Book攝影師(當然也可自行預約),我地自己也可做最佳攝影師為愛寵留倩影。


今次介紹的係Gatherland Theme觀塘studio,4月16係我寶貝Mika生日,book左其中兩間主題房渡過,佈置好靚、環境亦好衞生,影下相玩下、但每幅相都是充滿我們對她的愛而拍下的美麗回憶,感覺很珍貴💖

之前都去過同公司的荃灣studio,其中的日系風同中國風房間二合為一(場內仲有數款和服及旗袍可供租借),雖然無其他房咁大,但都幾有格調。

關於哩間studio的其他主題房佈置、地址、開放時間及收費,可以刻公司facebook專頁作更多了解及查詢。
https://www.facebook.com/gatherland/

溫馨提示:
**慶幸近年多左影樓歡迎狗狗入來,所以我們一群愛寵主人更要保持環境衞生、自備尿墊、清潔狗狗大小便及部分比較易脫毛品種狗狗的毛髮。
雖然當日所見studio負責人喺客人用完房間之後亦會自行入內清潔,但我們也要盡多一點責任今社會更接受人狗共融。
**如果大家想知更多不同影樓資料,我會在日後的post分別介紹每間的特式,需要時間編寫及排序圖片,而一切有關狗狗玩樂好去處的資料亦純粹覺得好而真心分享,絕無任何利益輸送,敬請唔好催促我。

沒有留言:

張貼留言