關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2016年2月7日 星期日

💖狗狗賀年糕點義賣2016💖

今次狗狗賀年糕點義賣非常成功,首先要多謝多位愛寵主人的支持,三十多盒可為很多個不同的義工團體、非矣利機構、獨立義工共籌得共$9656,非常感激各位的善心,令更多有需要的動物得到幫助。
很感恩上天賜我遇到Mika而改變很多,她給予我希望和快樂,亦令我有契機做今次的慈善義賣,雖然製作過程、包裝分配和交收都好勞累,但可以在短短三日完成今次的善舉真係好開心,果份喜悅比我把狗狗糕點賣出賺錢更滿足,因為既可以令各位的愛寵享受美食過佳節,也可以一同行善並幫助到更多無家可歸的動物,做了很有意義的事。
今次活動成功並非我一人力量,多得Happy媽媽提供地方可讓大家方便在長沙灣道交收(唔嫌麻煩仲幫我mark得好消晰),多謝Poodle's Family谷主讓我出Post令
更多主人可以參與哩個善事,最後要多謝我Anna姨幫唔出街買餸的我搜羅食材及我先生提供無限的支持令小妹可以出少少的綿力行善;雖然今次出左少少插曲但收到其他愛寵主人的讚賞和鼓勵就唔會氣餒,黎緊端午節及中秋節,只要有時間,仍會繼續以此方式行善義賣;預告將來再有的狗狗節日食品都是只送不賣,會全數用作慈善,有興趣的朋友唔需要畀錢,只需先留言或PM我、由於數量唔多,不設預留,請確定有貨及交收後,把捐款捐予任何一間有需要幫助的動物團體,金額隨心,捐款後提供入數紀錄就可以;因需要支援的團體有好多,希望出得一分力就有一分😀

年廿九啦!祝大家猴年進步、家人和愛寵身體健康、豐衣足食。J.miAk & Mika仝人鞠躬。

如果今年趕不及訂狗狗賀年糕點的朋友也可依照食譜自家製,詳細同大家分享😃
由於製作數量有限,今後所有寵物節日食品義賣只於fb專頁《J.miAka寵愛宅》或我個人fb內公佈,請大家每逢佳節前多多留意😃

沒有留言:

張貼留言