關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2016年10月21日 星期五

自家製魚肉燒賣(懶人彈牙版)

材料:(35-40粒)
燒賣皮             120g(直徑3吋約35-40塊)
鯪魚滑             300g(淨肉半斤,不加蔥)
蝦滑                 300g


調味料:
                    半茶匙
                    1茶匙
生粉                 1.5湯匙
胡椒粉             半茶匙
                    1茶匙
麻油                 1湯匙

做法:
  1. 把調味料加到鯪魚滑和蝦滑中,用木筷子攪拌均勻至更膠,手沾點水後提起肉滑並撻回碗中15-20次(有助口感更彈牙);
  2. 準備沾了水的金屬羹,(如圖)把餡料放在中央包出燒賣(每粒約16-18g餡)包好後用沾水的羹背輕輕把肉面掃至平滑;
  3. 完成後隔水蒸約8分鐘(因蒸時會發漲,每粒之間要留有空位),可即食,也可放涼很續粒放入保鮮袋或保鮮盒於冰箱保存(臨食前再蒸)。


P.S. 我用左鯪魚滑+蝦滑再撻,口感非常彈牙,缺點只係無市面上售買咁白雪雪,但省卻自己刮魚肉的功夫,絕對係係自家製的懶人好味方法😝

P.S. 得到幾個谷的網友留言,我mark底大家分享有得賣燒賣皮的店鋪資料:(如有更多資訊我再更新)
旺角區:旺角街市滷水店附近間麫店。
荃灣區:荃灣池記粉麵。
元朗區:吳璧記粉麵廠。
上水區:上水街市,係買豆腐入啲個檔。
馬鞍山區:恒安街市內小店。
大埔區:大埔墟街市。

沒有留言:

張貼留言