關於我自己

我的相片

2011年12月開始的人妻生活令我改變很大~~ 結婚前怕油、怕火爐、怕菜刀的我連煲飯、煮公仔麵都唔識,自命"無飯煮婦",今日雖唔算好叻,但總算煮得幾道菜,可以同大家分享心得; 由細到大怕狗狗、話明唔會養狗仔的我,2012年遇到mika之後,我們的命運改變了,生活充滿無限的歡樂,很想和大家分享養小狗的一些經歷和趣事; 以前我成日覺得無可能發生的事,只要肯付出,真係會做到^.^V

2014年5月15日 星期四

芒果花布甸


材料 :(4杯)
芒果味啫喱粉          80g(1盒)
魚膠粉                     4g
熱水                        200g
鮮奶                        100g
淡奶                         90g
雞蛋                         1隻
芒果                         3個(唔做芒果花可只用2個芒果便足夠)

做法:
1. 先把啫喱粉溶於熱水中,攪至溶解後加入魚膠粉再拌勻至沒有粉粒,放涼備用;
2. 待啫喱水涼後,可加入鮮奶、淡奶和打散後的雞蛋液,再拌至均一顏色(如有篩可過濾質感更幼滑);
3. 把其中2個芒果切粒(剩下1個暫時保留備用切花),芒果粒平均放入杯或模具中,再倒入適量(2)芒果奶溶液(如要放花在面側不要太滿),用匙羹輕輕搞拌杯內的芒果粒,之後放入雪櫃雪約 4小時至凝固;
4. 芒果布甸取出脫模後已供食用;
想再靚D可加入芒果花,做法:
5. 先切掉芒果底,再用生果刀片掉半邊芒果的皮,從核處起肉(如圖),放在枮板上切每片1-2mm厚(厚度要夠一致先靚);
6. 切好後選左或右數的第三片(藍點)卷好在布甸杯的中心做花芯,若取左邊開始順序(紅箭咀方向)鋪上花瓣直至中間就差不多完成一朵花(每片新花瓣踏住舊花瓣的1/3位置會較靚),最後用小刀輕輕揭一揭花瓣就可以更自然,即可完成。




P.S. 為防止芒果花會變黑而影響美觀及質素,最好臨食前才做芒果花,盡量打切開後的時間減少。


P.S. 一個芒果可以做4朵芒果花,如果先食2杯可以先切開半邊,另一邊未去皮就用保鮮紙包裹整個再放入雪櫃可以保存住未用一邊的鮮豔色澤。


P.S. 若想少功夫,簡單點脫模後放在碟上,淋適量的淡奶都很美味^^




1 則留言: